Ва Украіне распрацавалі новы метад барацьбы з расейскімі «Шахедамі»

Дакладныя характарыстыкі комплексу і яго перахопнікаў пакуль не раскрываюцца.

Украінская кампанія Aerobavovna распрацоўвае новы комплекс для барацьбы з расейскімі дронамі-камікадзэ «Шахед», выкарыстоўваючы аэрастаты ў якасці носьбітаў FPV-перахопнікаў самалётнага тыпу. Пра гэта паведаміла выданне Frontliner.

Прынцып працы сістэмы палягаюьць у наступным. Аэрастат абсталёўваецца цеплавізійнай камерай, якая выконвае функцыі выяўлення варожых беспілотнікаў. Пасля выяўлення пагрозы робат-перахопнік скідаецца з мацавання на аэрастаце і далей наводзіцца на мэту аператарам.

Дакладныя характарыстыкі комплексу і яго перахопнікаў пакуль не раскрываюцца. Аднак вядома, што аэрастат здольны паднімацца на вышыню да 800 метраў, несці карысную нагрузку да 10 кг і функцыянаваць у любых варунках надвор'я.

Таксама аэрастаты актыўна выкарыстоўваюцца падраздзяленнямі Сіл абароны Украіны ў якасці паветраных рэтранслятараў сувязі, што дазваляе забяспечваць больш стабільную каардынацыю вайсковых дзеянняў у параўнанні з наземнымі сродкамі. Акрамя гэтага, яны могуць выконваць задачы назірання, радыёэлектроннай барацьбы і перахопу беспілотнікаў.

«Мы ўжо два гады працуем над тым, каб аэрастаты лёталі пры ўсялякіх умовах надвор'я. Зараз тэстуем іх у складаных сітуацыях», - распавёў адзін з распрацоўшчыкаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com