Мянчанка звярнулася ў падатковую з незвычайнай просьбай

Там здзівіліся і падумалі, што гэта жарт, але потым закруцілася цэлая справа.

Жыхарка Менска папрасіла казіно абмежаваць яе візіты, аднак ва ўстанове дзяўчыну накіравалі ў падатковую. Там прыгразілі наладзіць прадстаўнікам гульнёвага бізнэсу праверку, паведамілі ва Управе аператыўных мерапрыемстваў інспекцыі МПЗ Менска.

У менскую ўправу звярнулася дзяўчына, якая хацела добраахвотна абмежаваць сябе ў наведванні гульнёвых установаў. Падатковыя органы такую працэдуру не здзяйсняюць, таму супрацоўнікі ўдакладнілі, чаму яна пастанавіла звярнуцца менавіта да іх.

Адказ іх збянтэжыў: «Я прыйшла ў казіно ХХХХХ, каб напісаць заяву на самаабмежаванне, але яны скіравалі мяне да вас».

«Калі гэта быў жарт з боку прадстаўнікоў гульнёвага бізнэсу, то ён не атрымаўся», – сказалі ва ўстанове.

Там паабяцалі правесці афіцыйную гутарку з гульнёвай установай і ўзяць яе «на аператыўнае суправаджэнне».

«З практыкі працы мы ведаем, што там, дзе шмат і недарэчна жартуюць, звычайна не ўсё ў парадку з выкананнем руцінных абавязкаў», – дадалі ва ўправе.

Адзначым, згодна з пунктам 13 Палажэння аб ажыццяўленні дзейнасці ў сферы гульнёвага бізнэсу фізічная асоба можа самастойна абмежаваць сябе ў наведванні гульнёвых установаў і ўдзеле ў азартных гульнях на тэрмін ад 6 месяцаў да 3 гадоў. Для гэтага даволі асабіста падаць пісьмовую заяву любому арганізатару азартных гульняў.

Падача заявы любому арганізатару азартных гульняў разглядаецца як падача заявы ўсім арганізатарам азартных гульняў на тэрыторыі Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com