«Гэта не справа Расеі»: Макрон рэзка адказаў Крамлю

Размова ішла аб адпраўцы французскіх вайскоўцаў ва Украіну.

Прэзідэнт Францыі Эмануэль Макрон мяркуе, што РФ не мае права голасу ў пытанні прысутнасці еўрапейскіх войск ва Украіне.

Аб гэтым ён сказаў у інтэрв'ю газеце Le Parisien.

«Украіна з'яўляецца суверэннай дзяржавай, і калі яна просіць хаўрусніцкія войскі знаходзіцца на яе тэрыторыі, то гэта не справа Расеі - прымаць іх ці не», - сказаў французскі лідар.

Што да мірнага плана Вялікай Брытаніі і Францыі, які амаль скончаны, Макрон растлумачыў, што мэта не ў тым, каб стварыць масавыя вайсковыя сілы, бо самае вялікае войска ў Еўропе - гэта ўкраінскае войска.

«Гаворка ідзе аб размяшчэнні па некалькі тысяч чалавек ад кожнай краіны ў ключавых пунктах для правядзення трэніровачных праграм і дэманстрацыі нашай падтрымкі ў доўгатэрміновай перспектыве», - распавёў кіраўнік Францыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com