Пуцін запатрабаваў ад украінцаў пакінуць акупаваныя Расеяй тэрыторыі

Тэрмін - да 10 верасня.

Уладзімір Пуцін падпісаў указ, які абавязвае ўкраінскіх грамадзян, якія знаходзяцца ў Расеі і на акупаваных тэрыторыях Украіны «без законных падстаў», або пакінуць краіну да 10 верасня 2025 года, або ўрэгуляваць свой прававы статус. Дакумент апублікаваны на афіцыйным партале прававой інфармацыі. У тэксце ўказа гаворыцца: «Грамадзяне Украіны, якія знаходзяцца ў Расейскай Федэрацыі і не маюць законных падстаў для знаходжання (пражывання) у Расейскай Федэрацыі, абавязаныя самастойна выехаць з Расейскай Федэрацыі або да 10 верасня 2025 года ўключна ўрэгуляваць сваё прававое становішча ў Расейскай Федэрацыі».

Дзеянне ўказа распаўсюджваецца і на так званыя «новыя рэгіёны» (акупаваныя тэрыторыі Украіны). Дарэчы, згодна з дакументам, «замежныя грамадзяне» і асобы без грамадзянства, якія прыбылі ў «ДНР», «ЛНР», а таксама ў Запарожскую і Херсонскую вобласці, абавязаныя прайсці медыцынскі агляд да 10 чэрвеня 2025 года. У рамках гэтай працэдуры прадугледжаныя тэсты на ўжыванне наркатычных рэчываў і наяўнасць ВІЧ-інфекцыі.

Ва ўказе змяшчаецца загад, паводле якога да 10 верасня 2025 г. сілавыя структуры не павінны пераследаваць украінцаў, якія знаходзяцца ў Расеі і на акупаваных тэрыторыях Украіны «незаконна», калі яны самастойна звярнуліся ў МУС для легалізацыі свайго статусу. Міністэрству аховы здароўя даручана ў тыя ж тэрміны правесці медагляд грамадзян Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com