Адзін з беларускіх банкаў уводзіць камісію на валютныя рахункі

Першае ўтрыманне сродкаў будзе ў траўні.

У адным з буйных камерцыйных банкаў краіны рыхтуюцца ўвесці штомесячную камісію за абслугоўванне валютных рахункаў.

Гэта закране ашчадак у далярах, еўрах, злотых, фунтах стэрлінгах, швайцарскіх франках і швэдскіх кронах, піша «Точка».

Плаціць давядзецца за рахункі, сумарны сярэднядзённы астатак якіх стартуе ад $30 тысяч у эквіваленце. Мінімальная камісія - Br0,5 тысячы

Такія новаўвядзенні чакаюць кліентаў "Прыёрбанка". Дзейнічаюць яны з 1 красавіка, гэта значыць першае ўтрыманне сродкаў будзе ў траўні.

Банк падрабязна распісаў, якой будзе плата за сэрвіснае абслугоўванне валютных рахункаў у залежнасці ад сумы астатку:

• ад $30 тысяч да $50 тысяч - Br0,5 тысячы.

• ад $50 тыс. да $100 тыс. - Br0,75 тыс.

• ад $100 тыс. да $200 тыс. - Br1,5 тыс.

• ад $200 тыс. да $300 тыс. - Br2,5 тыс.

• ад $300 тыс. да $500 тыс. - Br4,5 тыс.

• ад $500 тыс. да $1 млн - Br9 тыс.

• ад $1 млн - Br12 тыс.

Нагадаем, сярэднядзённы астатак на рахунку - гэта сума фактычнай рэшты на канец дня, падзеленая на колькасць дзён у месяцы.

Рахункі кліентаў у еўрах, злотых, фунтах стэрлінгаў, швайцарскіх франках, швэдскіх кронах пералічваюцца ў даляры паводле курсу Нацбанка на апошні працоўны дзень месяца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com