Reuters: Цэнтральны банк Расеі папярэдзіў Пуціна
15- 24.03.2025, 23:37
- 31,832
Сусветнае падзенне коштаў нафты можа пахаваць РФ паводле схемы СССР.
Цэнтральны банк Расеі папярэдзіў палітыкаў РФ аб тым, што ЗША і ОРЕС могуць папоўніць нафтавы рынак, што ў сваю чаргу здольнае паўтарыць зацяжное падзенне коштаў 1980-х гадоў, якое мела сваё дзеянне на распад Савецкага Саюза. Пра гэта паведамляе інфармагенцтва Reuters.
Папярэджанне прагучала за некалькі тыдняў да таго, як прэзідэнт ЗША Дональд Трамп і расейскі дыктатар Уладзімір Пуцін пачалі перамовы аб спыненні вайны супраць Украіны.
Прадстаўнікі Трампа раней сцвярджалі, што Вашынгтон можа ўвесці дадатковыя санкцыі супраць Расеі, калі не будзе мірнай дамовы. Трамп паабяцаў павялічыць здабычу нафты ў ЗША і заклікаў лідара ОРЕС - Савудаўскую Арабію здабываць больш нафты з мэтай дапамагчы сусветнай эканоміцы.
Цэнтральны банк, які не радзей як раз на год аналізуе эканамічныя рызыкі ў закрытых справаздачах, не паведаміў, паводле якога сцэнару ОРЕС і ЗША могуць напоўніць рынак нафтай і наколькі магчымыя гэтыя рызыкі.
У сваіх папярэдніх справаздачах цэнтрабанк называў кошты нафты адной з рызык для расейскай эканомікі, але ніколі не гаварыў больш дэталёва аб тым, якім чынам можа ўзнікнуць працяглы цыкл нізкіх коштаў нафты.
Мінэканомікі таксама выступіла з асобнай прэзентацыяй для пасяджэння, згадаўшы іншыя рызыкі для эканомікі: зніжэнне актыўнасці інвестараў, рост выдаткаў і «смеццевыя пазыкі».
«Значную рызыку ўяўляе кошт нафты», - гаворыцца ў адным са слайдаў, дзе сярод рызык згадваецца «значнае павелічэнне здабычы ў Злучаных Штатах і за межамі ОРЕС».
Рэзервовыя магутнасці ОРЕС блізкія да рэкорднага ўзроўню і роўныя аб'ёму экспарту расейскай сырой нафты.
«Гістарычны прэцэдэнт - пасля перыяду высокіх коштаў нафты ў 1974-1985 гадах, 18 (!!!) гадоў нізкіх коштаў нафты», - сведчыў слайд прэзентацыі з выкарыстаннем трох клічнікаў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
