Беларускі брэнд выпусціў калекцыю гадзіннікаў, прысвечаную Васілю Быкаву

Фотафакт.

Брэнд «Луч» прадставіў новую калекцыю гадзіннікаў. Яна называецца «Асоба. Васіль Быкаў» і прысвечаная 101-годдзю легендарнага літаратара.

Вытворца сцвярджае, што дызайн гадзіннікаў перадае «стрыманасць і глыбіню думкі пісьменніка, паказвае ўстойлівасць, смеласць і сілу слова, што знаходзіць водгук у пакаленнях».

«Гэтая калекцыя – даніна творчай спадчыне Васіля Быкава і яго глыбокаму гуманізму. Праз свае творы ён раскрываў сутнасць чалавечай прыроды, прымушаючы чытача задумацца аб маральным выбары, гонару і адказнасці», - расказалі на Менскім гадзіннікавым заводзе.

Адсюль і пэўныя выявы на цыферблаце. Напрыклад, крылы. Іх прынята лічыць сімвалам свабоды і надзеі.

Цікавая і гравіроўка на корпусе. Яна адсылае да калючага дроту, які сімвалізуе абмежаванні і выпрабаванні, якія давялося перажыць героям твораў Быкава.

У калекцыі дзве мадэлі - чорнага і шэрага колераў. Усяго 200 экзэмпляраў - па 100 адзінак кожнага.

Пры выпуску гэтага гадзінніка выкарыстоўвалі легендарны механізм 1801.1.

Корпус выраблены з нержавейнай сталі, папружка – з натуральнай скуры з паўкруглай срэбнай спражкай і фірмовай гравіроўкай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com