Навукоўцы ўпершыню ў гісторыі перасадзілі пячонку свінні чалавеку

Орган быў узяты ў маленькага парасяці з шасцю адрэдагаванымі генамі.

Кітайскія навукоўцы з Чацвёртага вайсковага медыцынскага ўніверсітэта ў Сіяне правялі першую эксперыментальную трансплантацыю пячонкі генетычна мадыфікаванай свінні пацыенту ў стане незваротнай комы. Даследаванне апублікаванае ў навуковым часопісе Nature.

Орган быў узяты ў мініятурнай свінні з шасцю адрэдагаванымі генамі. Рэцыпіентам стаў дарослы чалавек з дыягнаставанай незваротнай стратай мазгавых функцый, чыё жыццё падтрымлівалася з дапамогай медыцынскіх апаратаў.

Эксперымент доўжыўся 10 дзён і быў спынены на просьбу сям'і паддоследнага. На працягу ўсяго тэрміну назіранняў перасаджаная пячонка функцыянавала нармальна, выпрацоўваючы жоўць і бялок альбумін.

Свінні лічацца аптымальнымі донарамі для ксенатрансплантацый (перасадкі органаў паміж відамі). Іх анатомія і фізіялогія блізкія да чалавечых, а генная мадыфікацыя змяншае рызыку адрыньвання.

Аўтары даследавання дадалі, што пячонка свінні выпрацоўвае значна менш жоўці і альбуміна ў параўнанні з чалавечай. Для ўдасканалення тэхналогіі спатрэбяцца новыя экспэрыменты працягласцю больш за 10 дзён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com