З кіраўніка Ryanair пажартавалі ў рэстарацыі

У яго рахунак уключылі "дадатковую прастору для ног" і "прыярытэтную пасадку".

Персанал аднае з ірландскіх рэстарацый нядрэнна пажартаваў з генеральнага дырэктара бюджэтнай авіякампаніі Ryanair Майкла О’Ліры. У рахунак высокапастаўленага госця ўключылі шэраг дадатковых паслуг, напрыклад "дадатковую прастору для ног". Перавозчык вядомы тым, што патрабуе аплату за павышаны камфорт пасажыра, паведамляе New York Post

Спадар О’Ліры ў мінулую суботу наважыў наведаць рэстарацыю Luvida, размешчаную ў ірландскай вёсцы Наван і вядомай сваёй сучаснай кухняй. Кіраўнік самага буйнога еўрапейскага лаўкоста з'еў сібаса як асноўную страву, а таксама замовіў тост з грыбамі і крэветкі ў кляры. Запіў усё гэта бізнэсовец бутэлькай піно-грыджо. Відавочна, персанал ведаў, якога госця абслугоўвае, і наважыў пажартаваць з яго.

У рахунак О’Ліры, акрамя кошту ўласна ежы і віна, уключылі і шэраг спецыяльных пазіцый. Напрыклад, "дадатковая прастора для ног" абышлася прадпрымальніку ў 7,95 эўра, "прыярытэтная пасадка за столік" у 9,95 эўра, а "рэзервацыя ціхай зоны" адразу ў 19,95 эўра. Агульная сума рахунку склала 142,30 эўра. Такім чынам супрацоўнікі рэстарацыі намякнулі, што авіякампанія, якую ўзначальвае О’Ліры, сама вядомая тым, што патрабуе дадатковую аплату за выгоды пасажыраў, напрыклад, за крэслы з дадатковай прасторай для ног, прыярытэтную пасадку, выбар месца ці негабарытны багаж.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com