Палкоўнік УСУ: Патухне, як святло ў лазні, уся эканоміка Лукашэнкі
19- 16.04.2025, 17:29
- 32,702
Ключавыя прадпрыемствы могуць быць знішчаныя на працягу некалькіх гадзін.
Ваенны эксперт, палкоўнік запасу УСУ Раман Світан пракаментаваў імавернасць новага наступу РФ на Украіну з боку Беларусі.
«На такую авантуру расейцы дакладна не пойдуць. Ды і мы ўжо не дапусцім нават спробы ажыццявіць нешта падобнае. Цяпер у нас ёсць сур'ёзныя фартыфікацыі па паўночнай мяжы з Беларуссю, таксама там разгорнутыя некалькі дзясяткаў тысяч нашых войскаў», - падкрэсліў ён у інтэрв'ю «Главреду».
Экспэрт кажа, што УСУ цяпер нават не падпусцяць расейскія войскі да мяжы - яны будуць знішчацца на беларускай тэрыторыі.
«А калі ў наш бок нешта рушыць, то, як святло ў лазні, «патухне» ўся беларуская эканоміка, таму што мы нанясём сур'ёзны ўдар па беларускіх нафтаперапрацоўчых заводах і чыгунках: па Беларуськалію, Мазырскім НПЗ, Нафтане, усіх цяглавых падстанцыях на чыгунцы, эстакадах.
Субяседнік адзначыў, што ўсе гэтыя беларускія прадпрыемствы будуць знішчаны на працягу некалькіх гадзін.
«У нас такая магчымасць ёсць: гэта не да Урала ляцець некалькі сотняў кіламетраў, а, дапусцім, да Мазырскага НПЗ усяго 40 кіламетраў - адзін залп «Смерча», і ўсё, НПЗ не будзе. Лукашэнка ўсё гэта выдатна разумее, і ён не дапусціць такой сітуацыі, інакш скончыцца ягонае панаванне ў Беларусі», - растлумачыў аналітык.
Ён таксама ўпэўнены, што размовы пра расейска-беларускія вучэнні восенню - гэта проста інфармацыйныя хвалі.
«Можа быць, такім чынам Расея спрабуе напалохаць нашых еўрапейскіх партнёраў, якія маглі б размясціцца ўздоўж беларускай мяжы ў рамках міратворчых місій, каб вызваліць нашыя войскі і дазволіць ім выконваць баявыя задачы на ўсходнім кірунку. Расейцы разумеюць, што гэтыя працэсы зараз ідуць, перамовы прасоўваюцца, вось і ўзнялі гэтую тэму», - дадаў Світан.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
