Два расейцы спрабавалі незаконна вывезці з Беларусі бульбу

Іх спынілі проста на дарозе.

У Дзяржаўным мытным камітэце (ДМК) Беларусі 15 красавіка паведамілі аб дзвюх спробах незаконнага вывазу бульбы з краіны. Увогуле гомельскія мытнікі супольна з калегамі з расейскай Федэральнай мытнай службы не выпусцілі з краіны 64 тоны бульбы, на якія ў расейскіх кіроўцаў дзвюх фур не было суправаджальных дакументаў.

Як растлумачылі ў ДМК, дзве фуры пад кіраваннем грамадзян Расеі спынілі проста ў дарозе - на адцінку трасы М-10 у Добрушскім раёне Гомельскай вобласці, падчас аднаго "спецыяльных мерапрыемстваў" мытнікаў. У кіроўцаў пры сабе не было ні абавязковых суправаджальных дакументаў, ні сертыфікатаў, якія пацвярджаюць бяспеку прадукцыі, ні нават дазволу на такі тып грузавых перавозак.

Паколькі на вываз бульбы з Беларусі зараз дзейнічае абмежаванне (вывозіць яе можна толькі з аднаразовымі ліцэнзіямі МАРГ і з узгаднення з мясцовымі выканаўчымі камітэтамі), у дзеяннях перавозчыкаў угледзелі парушэнні. Гомельская мытня ў дачыненні да кіроўцаў ужо пачала адміністрацыйныя працэсы: паводле артыкула 13.12 Кодэкса аб адміністрацыйных правапарушэннях Беларусі за парушэнне парадку транспартавання тавараў ім можа пагражаць штраф - да 30 базавых адзінак, гэта значыць да 1260 рублёў на сённяшні дзень.

Між тым, агульны кошт бульбы, якую спрабавалі незаконна вывезці з краіны, ацанілі на 75 тысяч рублёў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com