Беларусы апынуліся ў топе сярод замежнікаў паводле куплі кватэр у Польшчы

Летась была ўкладзеная рэкордная колькасць такіх угод.

Беларусы ў групе замежнікаў, якія купляюць больш за ўсё кватэр у Польшчы, піша Polskie Radio са спасылкай на Rzeczpospolita.

Замежнікі ўсё больш актыўна скупляюць жыллё ў Польшчы. Летась была ўкладзеная рэкордная колькасць такіх угод — 17 330. Годам раней іх было больш за 14 тысяч. Прычым пакупнікі з іншых краін часцей за ўсё набываюць кватэры (у тым ліку оптам) за гатоўку — без іпатэчных крэдытаў.

Больш актыўна замежнікі куплялі кватэры ў буйных польскіх гарадах, такіх як Варшава (3 535 угод), Кракаў (1523) і Уроцлаў (1491).

У 2023 годзе жыллё, набытае замежнікамі, склала 6% ад усіх прададзеных аб'ектаў нерухомасці.

«Улічваючы, што ў 2024 годзе продажы кватэр у Польшчы знізіліся, дзель замежных пакупнікоў магла перавысіць 10 адсоткаў», — заявіла галоўная аналітык партала Tabelaofert Nieruchomości Эва Палюс.

«З пункту гледжання агульнай плошчы аб'ектаў, больш за ўсё нерухомасці (жылой і камерцыйнай) замежнікі купілі ў Мазавецкім ваяводстве (508 133, 89 кв.м), Ніжнесілезскім (216 377, 70 кв. м) і Малапольскім (123 837, 27 кв. м). Звесткі апошніх гадоў паказваюць, што Варшава, безумоўна, — горад, дзе замежнікі часцей за ўсё купляюць нерухомасць», — паведамілі ў Міністэрстве ўнутраных спраў і адміністрацыі.

Паводле статыстыкі, больш за ўсё кватэр сярэдняй плошчай больш за 58 квадратных метраў, набылі ўкраінцы, а таксама беларусы, расейцы, індыйцы, брытанцы і в'етнамцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com