Праз залевы ў Менску грамадскі транспарт не хадзіў амаль гадзіну

Былі падтопленыя чатыры адцінкі дарог.

Праз падтапленні ў Менску пасля залевы 16 ліпеня зафіксаваныя чатыры выпадкі спынення руху (да 57 хвілін) грамадскага транспарту. Пра гэта піша БелТА.

Як адзначылі ў МНС, 16 ліпеня выпала да 12 мм ападкаў пры сярэднямесячнай норме 98 мм, былі падтоплены чатыры адцінкі дарог.

У Менскім раёне каля ГЦ «Экспабел» дождж размыў грунт, з-за чаго абрынулася частка асфальту на аўтастаянцы. Ратавальнікі ўсё аднавілі, пацярпелых няма.

У Баранавічах цэнтральная частка горада апынулася ў эпіцэнтры моцнай залевы. Пасля непагадзі быў падтоплены Цэнтральны рынак на вуліцы Чарнышэўскага. Ратавальнікі таксама выязджалі на адпампоўку вады з падтопленага жылога дома ў Менскім раёне.

Белгідрамет і МНС таксама папярэджваюць, што 17 ліпеня па ўсёй краіне чакаюцца навальніцы, пры навальніцах месцамі моцныя ліўні, узмацненне ветру парывамі 15-20 м/с. У Менску днём чакаецца навальніца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com