Лукашэнка пашырыў паўнамоцтвы вайскоўцаў дзеля мабілізацыі тэхнікі і дронаў

Дыктатар рыхтуецца да вайны?

Аляксандр Лукашэнка падпісаў указ, які прадугледжвае дадатковыя меры ў забеспячэнні ўзброеных сіл, іншых войскаў і воінскіх фармаванняў краіны транспартнымі сродкамі, у тым ліку БПЛА, у перыяд мабілізацыі і ваенны час. Пра гэта паведамляе агенцтва БелТА са спасылкай на прэс-службу дыктатара.

Як піша БелТА, дакумент карэктуе Палажэнне аб вайскова-транспартным абавязку, зацверджанае ў 2001 годзе.

Цяпер вайскова-транспартны абавязак распаўсюджваецца на транспартныя сродкі дзяржаўных органаў і іншых арганізацый, а таксама на грамадзян, якія атрымалі іх паводле дамовы фінансавай арэнды (лізінгу). Таксама ўдакладнены парадак пастаноўкі мабілізацыйных задач для кампаній - пастаўшчыкоў транспарту і іх уліку падчас мабілізацыі.

Мінабароны Беларусі атрымала права вызначаць, якія запасныя часткі, інструменты і абсталяванне неабходныя дзеля працаздольнасці транспартных сродкаў, якія пастаўляюць.

Парадак кантролю выканання вайскова-транспартнага абавязку вызначаецца "саветам міністраў" Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com