«Бывай, танны аўтапрыгон?»

Лічбавы пашпарт зменіць рынак патрыманых аўтамабіляў у Беларусі.

З 2025 года ў Еўразвязе можа стартаваць сапраўдная рэвалюцыя на рынку патрыманых аўтамабіляў. Улады ЕЗ рыхтуюць укараненне лічбавага пашпарта транспартнага сродку, новыя працэдуры праверкі і забароны на вываз так званага аўтахламу. Для беларусаў, якія звыкнуліся купляць "пяцігодку з Нямеччыны", гэта можа абярнуцца складанасцямі, новымі выдаткамі або зусім закрыццём звыклай схемы, піша Belmarket.by.

17 чэрвеня 2025 года Рада ЕЗ падтрымала ключавую рэформу Еўракамісіі — праект новага Рэгламенту, які змяняе ўсю сістэму абарачэння транспартных сродкаў.

Галоўнае новаўвядзенне - лічбавы пашпарт аўтамабіля. Ён будзе змяшчаць усё: дату выпуску, прабег, праходжанне тэхаглядаў, звескі аб утылізацыі і нават склад матэрыялаў кузава. Такі пашпарт будзе абавязковы пры продажы аўто і абнаўляцца кожны раз пры змене ўладальніка.

А калі аўто занадта старое - прадавец павінен будзе даказаць, што транспарт не з'яўляецца смеццем і прыдатны да эксплуатацыі. Прычым не на словах, а дакументальна: з відэафіксацыяй, экспертнымі заключэннямі і праверкай стану.

Чаму гэта датычыцца і беларусаў?

Беларускія перагоншчыкі актыўна скупляюць у ЕЗ аўто ўзростам да 5 гадоў, афармляючы іх як асабістую ўласнасць для вывазу. Аднак цяпер экспарт у трэція краіны будзе магчымы толькі для "тэхнічна спраўных" машын, а для гэтага - новыя дакументы, праверкі і лічбавыя базы. Усё гэта азначае лішнія выдаткі, больш праверак і больш высокі кошт.

Да таго ж у ЕЗ хочуць укараніць новыя тэхналогіі на межах, каб "адсочваць аўтахлам". Машыны, якія не трапляюць пад патрабаванні, застануцца ў ЕЗ і пойдуць на перапрацоўку.

Больш не будзе танных "аўтао з Еўропы"?

Экспэрты зазначаюць, што новыя нормы ўжо ўплываюць на рынак. Напрыклад, канцэрн Stellantis скардзіцца - чвэрць інжынернага часу траціцца на тое, каб упісацца ў чарговыя патрабаванні ЕЗ. Мадэлі да 15 000 еўраў, якія прадаваліся мільёнамі, зараз амаль зніклі.

Цяпер новы рэгламент праходзіць узгадненне ў Еўрапарламенце. Чакаецца, што першыя змены набудуць моц у канцы 2025 года. Калі гэта адбудзецца, то звыклая для беларусаў схема пакупкі недарагіх аўто ў ЕЗ можа знікнуць або падаражэць на тысячы еўраў.

Нагадаем, сёлета ў Беларусі павялічылі стаўкі ўтылізацыйнага збору пры імпарце аўтамабіляў. Для юрыдычных асоб стаўкі на легкавыя аўто выраслі прыкладна ўдвая. Для фізічных асоб на аўтамабілі, з даты выпуску якіх прайшло да трох гадоў уключна, нічога не змянілася - стаўка 544,5 рубля. А для транспартных сродкаў старэй стаўкі ўтыльзбору на аўто, якія ўвозяцца фізічнымі асобамі для асабістага карыстання, павялічыліся з 816,7 рубля да 1089 рублёў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com