ЗША размясцілі ядравую зброю ў Вялікабрытаніі

Упершыню за 17 гадоў.

ЗША даставілі на сваю найбуйнейшую еўрапейскую авіябазу самую сучасную версію бомб, якія з'яўляюцца асноўнай ядравай зброяй стратэгічных сіл ЗША. Гэта база Лейкенхіт у Вялікабрытаніі, якая стала шостай краінай у Еўропе, дзе размешчаная амерыканская ядравая зброя.

Ядравая зброя вярнулася на брытанскую зямлю ўпершыню з 2008 года, піша The UK Defence Journal. Паводле шматлікіх крыніц, на якія спасылаецца выданне, мінулым тыднем тэрмаядравыя бомбы B61-12 былі дастаўленыя ў нядаўна пабудаванае сховішча на авіябазе Лейкенхіт у графстве Саффолк ва ўсходняй Англіі. Аперацыю пацвердзіў аналітык OSINTdefender, які вывучае адкрытыя звесткі

Боепрыпасы, відаць, былі дастаўленыя з Цэнтра ядравай зброі ВПС ЗША ў Нью-Мексіка. B61-12 - гэта мадэрнізаваная ядравая бомба, у якой можа вар’явацца магутнасць выбуху. Гэта апошняя мадыфікацыя бомбы B61, якая з'яўляецца асноўнай ядравай зброяй стратэгічных сіл ЗША: яна кіраваная і больш дакладная. Бомбу можна запускаць з самалёта, які ляціць на вялікай вышыні, пасля чаго яна аўтаномна плануе ў бок далёкай цэлі.

Асаблівасць B61-12 - магутнасць выбуху змяняецца ад 0,3 да 50 кілатон (у Хірасіме была выкарыстаная бомба магутнасцю 13-16 кілатон). "Прасцей кажучы, гэта чатыры бомбы ў адной", – пісаў часопіс The National Interest.

Запускаць бомбы гэтага віду можна, у прыватнасці, са знішчальнікаў F-35A, дзве эскадрыллі якіх размешчаны ў Лейкенхіце (усяго больш за паўсотню самалётаў). Яна выкарыстоўвалася для захавання амерыканскай ядравай зброі падчас халоднай вайны, пасля заканчэння якой у рамках раззбраення Еўропы і скарачэння ядравага арсенала бомбы былі вывезеныя: апошні вядомы такі выпадак быў зафіксаваны ў 2008 годзе, адзначае The UK Defence Journal.

Размяшчэнне новай мадэлі B61 у Еўропе Вашынгтон абвясціў у студзені 2025 года ў рамках механізму NATO, які прадугледжвае забеспячэнне "ядравага парасона". Разам гэтым Вялікабрытанія не ўваходзіць у лік еўрапейскіх краін, пра якія вядома, што на іх тэрыторыі знаходзіцца амерыканская ядравая зброя: гэта Бельгія, Нямеччына, Італія (дзве базы), Нідэрланды і Турцыя. Але Джыл Хрубі, дырэктарка Нацыянальнай ўправы ядравай бяспекі ЗША, абвяшчаючы разгортванне B61-12 у Еўропе, адзначыла: "У нас вельмі моцнае стратэгічнае супрацоўніцтва з Вялікабрытаніяй, як і яе прыхільнасць да сіл ядравага стрымлівання".

Годам раней, у студзені 2024 года, газета The Telegraph пісала са спасылкай на дакументы ў дзяржзакупах Пентагона, што на базе ў Лейкенхіце плануюцца працы, якія прадугледжваюць размяшчэнне бомбаў B61-12 магутнасцю 50 кілатон.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com