У Беларусі прапануюць ставіць алказамкі на каршэрынгавыя аўто

Кожны дзясяты п'яны кіроўца кіраваў аўтамабілем каршэрынга.

На пашыраным пасяджэнні камісіі «палаты прадстаўнікоў» аб прамысловасці і транспарце загаварылі аб неабходнасці дадатковага рэгулявання каршэрынгавых сэрвісаў з улікам трывожнай статыстыкі ДАІ, піша Myfin.by.

Начальнік управы ДАІ ГУУС Мінгарвыканкама Сяргей Бабіч на пасяджэнні паведаміў, што прыкладна кожны дзясяты кіроўца, затрыманы ў стане алкагольнага ап'янення, кіраваў аўтамабілем каршэрынгу.

У сувязі з гэтым у ходзе абмеркавання прагучала прапанова абсталёўваць каршэрынгавыя аўтамабілі алказамкамі – адмысловымі прыладамі, якія блакуюць запуск рухавіка пры выяўленні алкаголю ў выдыханым паветры.

Прадстаўнік ДАІ звярнуў увагу на прававы прабел: кампаніі кароткатэрміновай арэнды фактычна дапускаюць за стырно сваіх аўто старонніх асоб без якой-небудзь праверкі.

«Калі іншыя транспартныя кампаніі праводзяць праверку стану кіроўцаў і аўтамабіляў перад выездам, то каршэрынгавая кампанія – юрыдычная асоба – дапускае за стырно свайго аўто наогул старонніх асоб і пры гэтым нічога не кантралюе», – кажа прадстаўнік ДАІ.

Са слоў Бабіча, уладальнік і фактычны кіроўца часта з'яўляюцца рознымі людзьмі, што стварае дадатковыя рызыкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com