Украінскую дэлегацыю для перамоў з РФ узначаліць Рустэм Умераў

Зяленскі пацвердзіў гатоўнасць да новай сустрэчы.

Прэзідэнт Украіны Уладзімір Зяленскі даручыў сфармаваць дэлегацыю для перамоў з расейскім бокам, узначаліць яе Рустэм Умераў, які цяпер заняў пасаду сакратара Рады нацыянальнай бяспекі і абароны, а да гэтага быў міністрам абароны Украіны. Пра гэта гаворыцца ў паведамленні ў Telegram-канале кіраўніка дзяржавы.

"Правёў нараду наконт неабходных Украіне вынікаў перамоўнай працы... Даручыў сфармаваць дэлегацыю для перамоў з расейскім бокам. Узначаліць дэлегацыю Рустэм Умераў, у склад дэлегацыі ўвойдуць прадстаўнікі ўкраінскай выведкі, МЗС Украіны і офіса Прэзідэнта», — інфармуе Зяленскі.

Паводле ягоных слоў, кіраўнік Офіса прэзідэнта Андрэй Ярмак паведаміў аб каардынацыі нашай дыпламатычнай працы з партнёрамі ў Еўропе і Злучаных Штатах.

«Сакратар РНБА Украіны Рустэм Умераў паведаміў аб выкананні дамоўленасцяў другой сустрэчы з расейскім бокам у Стамбуле і дамоўленасць аб новай сустрэчы найбліжэйшым часам. Украіна гатовая працаваць максімальна прадуктыўна дзеля вызвалення нашых людзей з палону і вяртання выкрадзеных дзяцей, а таксама спынення забойстваў і дзеля падрыхтоўкі сустрэчы лідараў для рэальнага заканчэння гэтай вайны. Наша пазіцыя максімальна празрыстая. Украіна ніколі не хацела гэтай вайны, і менавіта Расея павінна закончыць вайну, якую сама ж і пачала», — напісаў прэзідэнт Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com