Аўстрыі давядзецца адмовіцца ад «мары» аб раззбраенні
1- 22.07.2025, 15:05
- 2,964
Нейтральная краіна падвоіла вайсковы бюджэт.
Аўстрыя, традыцыйна нейтральная краіна, заявіла аб планах падвоіць вайсуковыя выдаткі на працягу наступных сямі гадоў, нягледзячы на востры бюджэтны крызіс. Пра гэта паведаміў федэральны канцлер Крысціян Штокер у інтэрв'ю The New York Times (пераклад - сайт Charter97.org).
«Пасля халоднай вайны і эпохі раззбраення, якая пачалася ў 1970-х, мы марылі пра мір, але цяпер гэтаму канец», — заявіў Штокер, які ўступіў на пасаду ў сакавіку 2025 года. Ён прадстаўляе правацэнтрысцкую аўстрыйскую народную партыю.
Аўстрыя не ўваходзіць у NATO і захоўвае канстытуцыйна замацаваную нейтральнасць з 1955 года. Аднак на фоне ўзмацнення пагроз і нестабільнасці ў Еўропе ўрад плануе павялічыць абаронны бюджэт з менш чым 1% да 2% ВУП да 2032 года. Гэта пастанова была прынятая на фоне актыўнага нарошчвання вайсковых выдаткаў суседзямі, уключаючы Нямеччыну, Швэцыю і Фінляндыю.
Дадатковыя $5,8 млрд могуць быць накіраваныя на закупку сістэм СПА ў рамках ініцыятывы European Sky Shield, а таксама на набыццё гелікаптэраў і знішчальнікаў.
Аднак планы ўрада выклікаюць спрэчкі ўнутры краіны. Многія паджылыя выбарцы, якія абапіраюцца на ідэалы нейтралітэту, выступаюць супраць росту вайсковых выдаткаў. Асабліва крытыкуе ініцыятыву вельмі правая партыя свабоды, якая мае шчыльныя сувязі з Расеяй.
Хоць Штокер не назваў Расею прамой пагрозай, ён падкрэсліў, што вайна ва Украіне - «глыбока еўрапейскае пытанне» і выказаў гатоўнасць Аўстрыі стаць пляцоўкай для магчымых мірных перамоў паміж Масквой і Кіевам.
«Наша нейтральнасць абавязвае нас да нацыянальнай абароны», - сказаў на заканчэнне канцлер.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
