Больш за 95% біткоінаў ужо здабыта

Калі перастануць з'яўляцца новыя манеты.

У сетцы біткоіна здабыта амаль 95% ад усіх існых манет, або каля 19,9 млн. BTC (2,36 трлн.даляраў).

Эмісія біткоіна абмежаваная на праграмным узроўні і не можа перавышаць 21 млн. BTC. Паколькі блакчэйн - гэта лічбавы реестр, які фіксуе ўсе крыптавалютныя транзакцыі, таксама і ўтвораныя (здабытыя) біткоіны, гэта робіць магчымым весці улік усіх манет у режыме анлайн.

Механізм эмісіі ў біткоіне з'яўляецца прадказальным, і можна ведаць наперад, колькі і калі будзе створана манет, з невялікім адхіленнем у часе, але не ў сумах. Так, напрыклад, вядома, што 99% ад усіх манет BTC будзе здабыта ў студзені 2035 года.

Адзнаку ў 94% манет BTC прайшоў у сярэдзіне 2024 года, а 90% – напрыканцы 2021 года.Тэмпы майнінгу першай крыптавалюты памяншаюцца пасродкам халвінгу — закладзенага ў кодзе механизму паніжэння эміссіі. Халвінгі біткоіна адбываюцца прыкладна раз у чатыры гады, а калі дакладна, то цераз кожныя 210 тыс. новых, завершаных майнерамі блокаў. Падчас кожнага халвінгу ўдвая скарачаецца колькасць біткоінаў, якія майнеры атрымліваюць у якасці ўзнагароды за блок.

На момант запуску біткоіна ў 2009 годзе майнеры атрымлівалі 50 біткоінаў за блок, але падчас першага халвінга ў 2012 годзе гэта ўзнагарода была зніжана да 25 біткоінаў, у 2016 годзе - да 12,5 BTC, у 2020 годзе - да 6,25 BTC. а ў 2024 годзе — да 3,125 монеты манеты. Наступны халвінг чакаецца ў 2028 годзе, за ім - прыкладна ў 2032 годзе.

Гістарычна склалася так, што менавіта халвінг у біткоіне стаў арыенцірам для цэнавай дынамікі на крыптарынку. З 2013 года, неўзабаве пасля кожнага халвінгу кошт біткоіна і капіталізацыя астатняга крыптарынка абнаўлялі свае максімумы. Напрыклад, у канцы 2013 года, прыкладна праз год пасля халвінгу, біткоін дайшоў да адзнакі $1,2 тыс. У наступным рынкавым цыкле, у канцы 2017 года, максімумам стаў кошт $20 тыс. за біткоін. У канцы 2021 года - $ 69 тыс. Аднак 2024 выйшаў за межы папярэдняй цыклічнасці кошту біткоіна: гэтым разам каціроўкі ўпершыню перавысілі папярэдні максімум да наступлення халвінгу – у сакавіку кошт BTC вырас да $ 73 тыс., а халвінг быў у красавіку 2024 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com