У Польшчы абнавіўся ўрад

Інаўгурацыя новых міністраў адбудзецца ўжо сёння.

Прэм'ер-міністр Польшчы Дональд Туск абвясціў аб новай структуры свайго кабінета пасля ўрадавай рэканструкцыі. Як падкрэсліў кіраўнік урада, ключавымі прынцыпамі, якімі ён кіраваўся пры фармаванні складу, сталі «парадак, бяспека і будучыня», паведамляе «Польскае радыё».

«У гісторыі кожнай дзяржавы наступаюць моманты, калі неабходна ўзяць сябе ў рукі. Пасля падзей, якія часта выклікаюць палітычныя ўзрушэнні, важна цвёрда стаць на ногі, стрымаць эмоцыі і пачаць рух наперад — з упэўненасцю ва ўласных сілах і гатоўнасцю да працы. І тады часта неабходныя і кадравыя змены», - адзначыў Туск.

У рамках прадстаўленага складу новым міністрам юстыцыі стане Вальдэмар Журэк, Томаш Семаняк узначаліць каардынацыю спецслужбаў, Марцін Кервіньскі стане кіраўніком МУС, а кіраўнік МЗС Радаслаў Сікорскі атрымае таксама пасаду віцэ-прэм'ера. Новае міністэрства энэргетыкі ўзначаліць Мілаш Матыка, міністрам актываў дзяржавы стане Войцех Бальчун, фінансаў і эканомікі — Анджэй Даманскі, сельскай гаспадаркі — Стэфан Краеўскі. Новым міністрам аховы здароўя прызначаная Ёланта Сабераньска-Грэнда, Міністэрствам культуры будзе кіраваць Марта Ценкоўска, якая раней займала пасаду намесніка міністра. Міністрам кантролю за рэалізацыяй урадавай палітыкі стане Мацей Берак, а партфель міністра спорту атрымае Якуб Рутніцкі.

Інаўгурацыя новых міністраў адбудзецца 23 ліпеня, а першае пасяджэнне абноўленага кабінета запланавана на 24 ліпеня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com