У Менск прыехаў новы амбасадар Ватыкана

Апостальскі Нунцый Іньяцыа Чэфалія ўручыў даверчыя граматы кіраўніку МЗС Беларусі.

У Менск прыехаў новы Апостальскі Нунцый Іньяцыа Чэфалія. Ён уручыў даверчыя граматы кіраўніку МЗС Максіму Рыжанкову. Пра гэта паведамляе беларуская знешнепалітычная ўстанова.

Рыжанкоў і Іньяцыа Чэфалія на сустрэчы абмеркавалі становішча Каталіцкай царквы ў нашай краіне, перспектывы дыялогу з Ватыканам і актуальныя міжнародныя пытанні.

«Пацвердзілі падабенства падыходаў Беларусі і Ватыкана да ўмацавання міру, міжканфесійнага дыялогу і захавання традыцыйных каштоўнасцяў. Новы этап ужо пачаўся – у Ватыкане адкрылася амбасада Беларусі пры Апостальскай Сталіцы», – паведамілі ў МЗС.

Нагадаем, амбасадарам Беларусі ў Ватыкане Юрый Амбразевіч стаў у сакавіку сёлета. Да гэтага, з 11 сакавіка 2022 года, ён быў намеснікам міністра замежных справаў. Раней дыпламат быў сталым прадстаўніком Беларусі пры ААН.

21 чэрвеня Папа Рымскі Леў XIV прыняў даверчыя граматы ад беларускага амбасадара.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com