Адгрузка расейскай нафты на Чорным моры спынілася

Названая прычына.

Адгрузка нафты на найбуйнейшых расейскіх чарнаморскіх тэрміналах у Новарасійску і Паўднёвай Азярэеўцы прыпыненая праз новую адміністрацыйную працэдуру ўзгаднення судназаходаў, паведаміла Reuters са спасылкай на тры крыніцы ў галіне.

Адна з іх чакае, што сітуацыя нармалізуецца цягам некалькіх дзён.

Праз чарнаморскі порт Новарасійск ажыццяўляецца экспарт і транзіт нафты гатункаў Urals, KEBCO і Siberian Light. Суседні тэрмінал у Паўднёвай Азярэеўцы, які належыць Каспійскаму трубаправоднаму кансорцыуму (КТК), перавальвае сумесь CPC Blend.

КТК і Міністэрства транспарту РФ адмовіліся ад каментароў.

21 ліпеня пачаў дзеянне ўказ прэзідэнта Уладзіміра Пуціна, які вызначыў новыя правілы заходу ў марскія парты РФ замежных караблёў.

«Вызначыць, што заход у марскія парты Расейскай Федэрацыі караблёў, якія ідуць з замежных партоў, ажыццяўляецца з дазволу капітана марскога порта, узгодненага са службовай асобай органа Федэральнай службы бяспекі», – гаворыцца ў дакуменце.

Адгрузкі нафты CPC Blend у КТК запланаваныя ў жніўні на ўзроўні 6,5 мільёна тонаў, што амаль адпавядае ліпеньскаму графіку.

Экспарт і транзіт нафты з Новарасійска ў ліпені павінны скласці блізу 2,2 мільёна тонаў, паводле звестак крыніцаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com