Разварот Трампа ў бок Кіева: раскрытая таямніца лёсавызначальнага званка
25- 25.07.2025, 12:33
- 36,852
4 ліпеня Келагу патэлефанавалі з Польшчы.
На фоне аднаго з самых маштабных абстрэлаў Кіева з пачатку вайны, ініцыятыва Кіта Келага, дарадцы Дональда Трампа, паклала пачатак развароту ў амерыканскай палітыцы ў дачыненні да Украіны, піша The Telegraph.
4 ліпеня Келагу патэлефанавалі з Польшчы. Гэта быў міністр замежных спраў Польшчы Радаслаў Сікорскі. Пасля тэлефоннага званка, генерал Келаг звярнуўся да Трампа з заклікам аднавіць пастаўкі Украіне зэнітных боепрыпасаў. Уначы расейскія ракеты і беспілотнікі пашкодзілі консульства Польшчы ў Кіеве - падзея, якая стала паваротным момантам у дачыненні да Белага дома да Украіны.
Неўзабаве пасля размовы з Келагам Трамп асабіста аддаў загад Пентагону разблакаваць замарожаныя сістэмы Patriot, а таксама звязацца з міністрам абароны Пітам Гегсэтам. Менавіта ён без узгаднення з Белым домам прыпыніў вайсковую дапамогу Украіне, што выклікала крытыку нават сярод хаўруснікаў Трампа, такіх як дзяржсакратар Марка Рубіё.
У размове з прэзідэнтам Уладзімірам Зяленскім у той жа дзень Трамп паабяцаў даць Украіне падтрымку ў сферы супрацьпаветранай абароны. Гэты сігнал стаў пераломным - у Вашынгтоне яго расцанілі як прызнанне неабходнасці ўзмацнення ролі ЗША ў канфлікце для дасягнення мірнага пагаднення.
На працягу дзевяці дзён Трамп, пры падтрымцы саюзнікаў з NATO, абвясціў аб новым пакеце дапамогі на суму $10 млрд. Пры спрыянні канцлера Нямеччыны Фрыдрыха Мэрца і генеральнага сакратара NATO Марка Рутэ, дамоўленасці ўключалі закупку і перакідку ва Украіну новых сістэм Patriot, частка з якіх аплаціла Нямеччына і Нарвэгія.
Цікава, што для гэтага была перанакіраваная партыя сістэм, якія раней прызначаліся Швайцарыі. Бэрн пагадзіўся з пераносам тэрмінаў уласнай замовы на карысць Украіны.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
