У Мексіцы археолагі знайшлі таемны горад мая

Яго займалі паўстанцы, якія супраціўляліся гішпанскай экспансіі.

У рэгіёне Лакандон на поўдні Мексікі археолагі знайшлі апошні горад мая, які займалі паўстанцкія групы, што супраціўляліся гішпанскай каланіяльнай экспансіі. Горад, размешчаны ў сучасным штаце Чыяпас, заставаўся некранутым цягам стагоддзяў.

Даследаванне ўзначальваў Хасуэ Ласада Таледа з Нацыянальнага інстытута антрапалогіі і гісторыі Мексікі (INAH), які грунтаваў сваё даследаванне на запісах XVII стагоддзя манаха Педра дэ ла Кансепсьёна. Гэтыя запісы тычыліся месца, вядомага як Нуэстра-Сеньёра-дэ-лос-Далорэс, піша Heritage Daily.

Праца Ласада, якая злучыла гістарычныя крыніцы з геаграфічнымі інфармацыйнымі сістэмамі (ГІС), дазволіла ідэнтыфікаваць гэтае месца як Сак-Бахлан — назву, якая азначае «зямля белага ягуара» на мове мая.

«Гэтае месца называюць апошнім прыстанкам мая-лакадон-чоль, якія ўцяклі ад разбурэння сваёй сталіцы Лакам-Тун», — растлумачыў Ласада. Ягоная мапа, распрацаваная з дапамогай ArcGIS Pro, сапраўды паказала месцазнаходжанне глыбока ў біясферным запаведніку Монтэс-Асулес.

Лакадон-чоль былі галіной цывілізацыі мая, якія калісьці жылі паблізу Лагуна-Мірамар. Пасля таго як іх першапачатковая сталіца была разбураная падчас гішпанскай заваёвы, яны збеглі ў джунглі і заснавалі Сак-Бахлан, дзе яны заставаліся па-за каланіяльным кантролем цягам больш як стагоддзя.

Да 1721 года горад быў закінуты, а джунглі павольна паглыналі ягоныя пабудовы. Выкарыстоўваючы спадарожнікавыя звесткі, аналіз расліннасці, мадэляванне рэльефу і ацэнкі старажытных магчымасцяў перамяшчэння людзей, Ласада і ягоная каманда стварылі прагнозную мапу, якая прывяла да першых археалагічных даследаванняў.

Гэтае адкрыццё дадае важнага разумення таго, як групы мая прыстасоўваліся да каланіяльнага ціску і абаранялі сваю аўтаномію.

Вынікі даследаванняў будуць прадстаўлены ў будучым дакументальным фільме Discovery Channel пад назвай «Адкрыццё схаванага горада мая: Сак-Бахлан», мэтай якога з'яўляецца павышэнне дасведчанасці пра захаванне старажытных помнікаў ва ўразлівых экасістэмах.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com