Кіраўнік МЗС Турцыі: Украіна і Расея дамовіліся пра сустрэчу Зяленскага з Пуціным

На турэцкай тэрыторыі.

Міністр замежных справаў Турцыі Хакан Фідан заявіў, што Украіна і Расея ў цэлым дамовіліся наконт правядзення сустрэчы Уладзіміра Зяленскага і Уладзіміра Пуціна на турэцкай тэрыторыі. У інтэрв'ю тэлеканалу NTV ён адзначыў, што дамоўленасць абмяркоўвалася ў рамках трэцяга раўнду перамоваў у Стамбуле, які адбыўся напярэдадні. «У прынцыпе была дасягнутая дамоўленасць наконт правядзення саміту лідараў (Украіны і Расеі. – ТМТ) у Турцыі. Тут важную ролю маюць перамоўныя дэлегацыі», – сказаў Фідан. Паводле ягоных словаў, бакі праяўляюць імкненне да пошуку кампрамісу, і пры захаванні цяперашняй дынамікі магчымае «дасягненне прамежкавай пастановы».

Кіраўнік МЗС падкрэсліў, што вайна Расеі супраць Украіны выклікала сур'ёзныя наступствы не толькі для рэгіёну, але і для ўсяго свету. «Гэта гуманітарная катастрофа – разбураныя цэлыя гарады. У той самы час мы маем справу з канфліктам, здольным перарасці ў шырэйшую вайну і паглыбіць міжнародныя расколы. Гэта вельмі цяжкая і дарагая вайна, у якой задзейнічана ўсё, акрамя ядзернай зброі», – дадаў ён.

23 ліпеня ў Стамбуле прайшоў трэці раўнд мірных перамоваў паміж Расеяй і Украінай. Сустрэча доўжылася блізу 40 хвілінаў і не прынесла адчувальных вынікаў. Адзінай пастановай стала згода прадоўжыць абмен палоннымі. Кіеў выступаў за правядзенне асабістай сустрэчы Зяленскага і Пуціна да канца жніўня, аднак расейскі бок заявіў, што такі саміт магчымы толькі пасля таго, як «будзе падрыхтаванае мірнае пагадненне».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com