Навукоўцы разгадалі таямніцу кальмараў-самазванцаў

Іх узрост – больш за 500 мільёнаў гадоў.

Навукоўцы змаглі разгадаць таямніцу закамянеласцяў старажытных істотаў, падобных на кальмараў, якія былі знойдзеныя ў Паўночнай Грэнландыі. Гэтыя істоты жылі больш за 500 мільёнаў гадоў таму, піша Interesting Engineering .

Адзначаецца, што доўгі час навукоўцы былі збянтэжаныя закамянеласцямі нектакарыдаў, якія нагадвалі сучасных кальмараў з прыкметнымі галовамі і чымсьці, падобным на шчупальцы. Самай папулярнай здагадкай было тое, што яны з'яўляюцца продкамі галаваногіх (васьміногі, каракаціцы і кальмары), але гэта не так.

Група навукоўцаў з Брыстальскага ўніверсітэта высветліла, што нектакарыды насамрэч з'яўляюцца раннімі нашчадкамі стрэлападобных чарвякоў. Каб дакапацца да ісціны, яны адправіліся ў экспедыцыю ў Сірыюс-Пасет у Грэнландыі. Менавіта там знайшлі шмат закамянеласцяў марскіх арганізмаў ранняга кембрыйскага перыяду.

«Мы выявілі, што нашыя некатарыдзіды захавалі часткі сваёй нервовай сістэмы ў выглядзе парных мінералізаваных структураў, і гэта стала падказкай, дзе гэтыя жывёлы знаходзяцца ў дрэве жыцця», – расказаў доктар Якаб Вінтэр з Брыстольскага ўніверсітэта.

Ідэнтыфікацыя стала магчымай дзякуючы таму, што ў закамянеласцях захаваўся вентральны ганглій. Гэта характэрная асаблівасць стрэлападобных чарвякоў.

«Цяпер у нас быў неаспрэчны доказ, які дазваляе вызначыць спрэчку пра нектакарыдаў. Нектакарыды маюць шэраг агульных рысаў з некаторымі іншымі закамянеласцямі, якія таксама належаць да роду стрэлападобных чарвякоў», – адзначыў суаўтар даследавання з Карэйскага палярнага інстытута доктар Тэ-Юн Парк.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com