WBC паведаміла, што збіраецца зрабіць з поясам Вусіка, які той адабраў у Ф'юры

Арганізацыя хоча як мага даўжэй захаваць ягоны статус абсалютнага чэмпіёна свету.

Прэзідэнт Сусветнай баксёрскай рады (WBC) Маўрысіё Сулейман заявіў, што арганізацыя не будзе ў найбліжэйшы час абавязваць абсалютнага чэмпіёна свету ў суперцяжкай вазе Аляксандра Вусіка праводзіць абавязковую абарону тытула. Гэтае пытанне плануюць перагледзець на штогадовай канвенцыі ў снежні.

«Мы імкнемся захаваць статус абсалютнага чэмпіёна ў хэвівейце як мага даўжэй», – сказаў Сулейман у інтэрв'ю Boxing News пасля перамогі Вусіка над Даніэлем Дзюбуа. У тым баі ўкраінец абараніў пояс WBC, вярнуў сабе тытул IBF і захаваў чэмпіёнствы WBA Super і WBO.

Для падтрымання актыўнасці ў дывізіёне WBC раней санкцыянаваў часовы бой паміж Агітам Кабаелем і Чжанам Чжылеем, каб не «замарожваць» сітуацыю. Але ключавыя пастановы пра будучыя абавязковыя баі будуць прынятыя на снежаньскай канвенцыі арганізацыі.

Калі 38-гадовы Вусік прадоўжыць кар'еру і захоча захаваць статус абсалютнага чэмпіёна, наступным спаборнікам можа стаць Джозэф Паркер – часовы чэмпіён WBO і абавязковы прэтэндэнт ад гэтай арганізацыі. Аднак WBO пакуль не зацвердзіла тэрмін правядзення такога паядынку.

18 траўня 2024-га ў Эр-Рыядзе Вусік перамог чэмпіёна WBC Тайсана Ф'юры і стаў уладальнікам паясоў WBA, WBO, IBF і WBC у суперцяжкай вазе.

22 снежня таго ж года Вусік паўторна адолеў Ф'юры і абараніў свае тытулы. Сёмы паядынак украінца ў суперцяжкай вазе закончыўся перамогай у балах 116:112, 116:112, 116:112.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com