«Адзін з сошкай, сямёра з лыжкай»
17- 27.07.2025, 18:32
- 17,848
Чыноўнікі з міліцыяй наладзілі інспекцыю пад Оршай і раззлавалі карыстальнікаў сацсетак.
У Аршанскім раёне кіраўнік райвыканкама і начальнік міліцыі асабіста інспектавалі ўборачную. Відэа пра гэта з'явілася ў TikTok мясцовай газеты, і ў каментарах людзі не стрымаліся, заўважыў тэлеграм-канал "Витебск, я гуляю!".
Відэа пра тое, як старшыня Аршанскага райвыканкама Ігар Мароз разам з начальнікам РУУС Аляксеем Цяпко і супрацоўнікам ДАІ правяралі ход уборачнай у раёне, выклалі ў TikTok раённага выдання "Аршанская газета". Аднак ролік справакаваў хвалю крытыкі: карыстачы абурыліся “паказухай” і ўсумніліся ў кампетэнтнасці правяраючых, піша “Зеркало”..
Інспекцыйная група наведала мехдвор ДП "Межава-Агра", праверыла тэхнічны стан камбайнаў і пагутарыла з механізатарамі. Потым чыноўнікі паехалі на поле, каб паглядзець на працэс уборкі ўраджаю. Завяршылася паездка на малочнатаварнай ферме ААТ "Задроўе", дзе кіраўнік раёна даў кіраўніцтву гаспадаркі ўказанні ва ўтрыманні цялят.
У каментарах да роліка большасць людзей выказалі скепсіс адносна кампетэнтнасці правяраючых і неабходнасці падобных мерапрыемстваў. Многія задалі пытанне, навошта адцягваць супрацоўнікаў міліцыі ад іх абавязкаў дзеля інспектавання сельгастэхнікі і жывёлы:
@orshanka.by Председатель Оршанского райисполкома Игорь Мороз, начальник Оршанского РУВД Алексей Тяпко и сотрудник ГАИ Павел Спиченок проинспектировали ход уборочных работ в районе. Они побывали на мехдворе ГП «Межево-Агро», где проверили техническое состояние комбайнов, пообщались с механизаторами. После выехали в поле и посмотрели, как идет уборка урожая. Также побывали на МТФ ОАО «Задровье». Главой района руководителю сельхозорганизации даны конкретные поручения по содержанию телят. #новости_орши #оршанка_бай #orshanka_by #orsha #орша #жатва #уборочная #белорусскийтикток ♬ Epic Inspiration - Kidmada
"Як могуць праверыць тэхнічны стан камбайна старшыня райвыканкама і міліцыянер, ніяк, навошта гэта паказваць".
“А што, злачынствы ў РБ ужо ўсе раскрытыя? Што мянты па палях шныраць падчас уборачнай».
"Адзін з сошкай, сямёра з лыжкай".
"Рабочых менш, чым правяральнікаў".
“А колькі выдаткаў нясуць гэтыя праверкі. Бензін, заробкі і транспартныя выдаткі, хто гэта спансуе».
“Дома цвік у сцяну ўбіць не могуць, наймаюць рабочых… а тут трэба пракантраляваць, кшталту нешта ў гэтым разумеюць».
"Гэта ж колькі трэба аднаму экіпажу намалаціць, каб пракарміць сем'і гэтых наглядчыкаў".
“Так дыскрэдытаваць уладу яшчэ трэба ўмець. Брава!”
"Што яны там шукаюць?"
"Асобы, як быццам што разумеюць".
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
