Украінцы ўзялі ў палон расейскага акупанта без бою

Жаўнер УСУ падзяліўся нестандартнай гісторыяй.

Акупант, які хаваўся, калізабілі ягонага напарніка, здаўся ўкраінскім абаронцам без адзінага стрэлу. Байцы 63-й брыгады прымянілі нестандартны падыход.

Пра гэта паведамляе РБК-Украіна са спасылкай на 63-ю асобную механізаваную брыгаду.

Жаўнер 106-га батальёна 63-й брыгады з псеўданімам "Дзікі" расказаў, як яны прымусілі акупанта здацца ў палон з дапамогай дрона.

Паводле яго слоў, усё пачалося раніцай, калі напарнік "Дзікага" пачуў рух і варожыя галасы. Той адразу зрэагаваў - схапіў аўтамат і кінуўся на пазіцыю.

Прасоўваючыся па акопе, “Дзікі” пачуў кашаль недзе над сабой. Падняў галаву і заўважыў падазроны рух, імгненна адкрыў агонь і забіў ворага.

Пасля вайскоўцы зразумелі, што недзе побач ёсць яшчэ адзін акупант.

“Мы пачалі яго шукаць, шукалі, не змаглі знайсці. Проста ўсю тэрыторыю абышлі, і ўсё, і стралялі, і крычалі яму, каб здаваўся», - растлумачыў вайсковец.

Каб не рызыкаваць асабовым складам, было прынятае нестандартнае рашэнне.

“Камандзір пастанавіў выклікаць дрон з гучнагаварыцелем і прапанаваць (ворагу, - рэд.) здацца. Дрон палятаў, і (акупант, - рэд.), адпаведна, выйшаў на тэрыторыю з паднятымі рукамі», - распавядае "Дзікі".

Палоннага, які быў паранены , завялі ва ўкрыцце і аказалі дапамогу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com