Беларусы паказалі, як давялося «капаць» бульбу сёлета

Ролік хутка стаў папулярным, набраўшы больш за мільён праглядаў.

Жыхарка Беларусі апублікавала ў сацсетках відэа, на якім паказала, як ёй і яе сям'і давялося капаць бульбу ў канцы ліпеня 2025 года. Ролік хутка стаў папулярным, набраўшы 1,7 млн праглядаў, 26 тысяч падабаек і блізу 700 каментароў.

Так, на відэа бачна, як два чалавекі стаяць па калена ў вадзе і спрабуюць дастаць са дна ў кошык бульбу. Сама аўтарка роліка, як чуваць, не сумуе.

«Вось такі вось у нас чэлендж новы. Зручна, дарэчы? Лепш, чым у зямлі калупацца? Адразу чыстая!» - са смехам сказала яна.

У подпісе пад відэа беларуска расказала, што «так рана мы капаем (чытаць як купаем) бульбу ўпершыню, у ліпені».

Некаторыя ў каментарах падхапілі настрой аўтаркі відэа і таксама пачалі жартаваць.

«У наступным годзе саджайце рыс», — з гумарам параіў адзін з карыстальнікаў.

«Кіпяцільнік у ваду ўстаўце, адразу вараная будзе» - даў жартоўную рэкамендацыю яшчэ адзін.

«Гэта ў нас новы гатунак вывелі - бульбарыс» - адзначыў трэці.

Безумоўна, шмат хто ў каментарах паспачуваў беларусам, якія трапілі ў гэтую сітуацыю.

«І смех, і грэх, бедныя людзі, столькі праця!»- выказаўся нехта.

«Спачуваць. Мне плакаць захацелася. Столькі працы, сіл, матэрыяльных выдаткаў. [ ... ] Вельмі шкада нашых людзей-працаўнікоў», - адзначыла яшчэ адна карыстальніца.

«Людзі вы малайцы, беларусы не здаюцца», - таксама падтрымалі ў каментарах.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com