«Абрынанне прыкладна 100×100 метраў»

Што цяпер адбываецца ў Віцебску, ад якога «адкалоўся» бераг.

У мінулую суботу ад Віцебска «адкалоўся» адзін з берагоў. Усё праз падмыты грунту (дажджы не даюць расслабіцца нікому гэтым летам). Шакавальным відэа з мікрараёна Вярхоўе дзяліліся мясцовыя жыхары і МНС. Балазе абрынанне пацягнула за сабой толькі гаспадарчыя пабудовы, людзі (і іх жыллё) не пацярпелі.

Работы для аднаўлення берага, якому больш няма даверу, пачаліся практычна адразу. Перад спецыялістамі стаяла задача не толькі разабраць адрыны-вандроўніцы, але і зрабіць спуск да вады больш спадзістым. Навінамі пра тое, што адбываецца на беразе Заходняй Дзвіны, дзеліцца БелТА.

«Абрынанне складае 100×100 м. У суботу была сабраная камісія і створаны штаб у надзвычайных сітуацыях, вызначаны аб'ёмы работ. Зараз ідзе засыпанне і выроўніванне берагоў - стварэнне больш пакатага спуску. Аднаўлення дарогі тут ужо не будзе, таму што яе выкарыстоўвалі толькі для гаспадарчых патрэб. Мы ў першы ж дзень арганізавалі падамавое і пакватэрнае апытанне жыхароў Вярхоўя, яны запэўнілі, што ніхто ад абвалу не пацярпеў, і да нас у адміністрацыю звароты ад мясцовых жыхароў не паступалі», — распавёў намеснік кіраўніка адміністрацыі Чыгуначнага раёна Віцебска Аляксандр Клячын.

Побач з ракой, аддзелены паласой берага, знаходзіцца запоўнены вадой кар'ер глыбінёй 20 метраў. Намеснік кіраўніка адміністрацыі адзначыў, што, магчыма, падземныя воды падмылі гэты «пярэсмык» і з-за спаду ўзроўню Заходняй Дзвіны плынь шунула туды, літаральна падмыўшы бераг. «Утварылася новае рэчышча ручая. Мы зробім бяспечнымі берагі па абодва бакі. Застанецца новы рэльеф мясцовасці», - паабяцаў Аляксандр Клячын.

Пясок і цвёрдыя пароды сюды звозяць з даламітавага кар'ера «Гралева». «Каля 10 будаўнічых і дарожных арганізацый выдзелілі самаскіды, бульдозер. На сёння мы сюды ўжо дзесьці 230 машын 20-тонных высыпалі грунту», - распавёў намеснік кіраўніка гарадской адміністрацыі.

Акрамя абрынання берага спорныя ападкі затапілі прысядзібныя пляцы жыхароў Вярхоўя. Гарадскія ўлады абяцаюць, што працы для выраўноўвання берага працягнуцца, пакуль не будзе гарпнтаваная поўная бяспека для грамадзян.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com