Трамп заявіў, што за 24 гадзіны закончыў вайну Камбоджы і Тайланда

Прэзідэнт ЗША паведаміў, што прадухіліў гібель «мільёнаў людзей».

Прэзідэнт ЗША Дональд Трамп паведаміў, што прадухіліў гібель «мільёнаў людзей» ва ўзброеным супрацьстаянні Камбоджы і Тайланда, закончыўшы гэты канфлікт за 24 гадзіны. Заява прагучала ў Шатландыі, куды амерыканскі лідар прыбыў у мінулыя выходныя са шматдзённым візітам.

«Гэта мір. Гэта была б вельмі цяжкая вайна... Яна магла б доўжыцца гадамі. Мільёны людзей маглі б загінуць. Мы скончылі вайну – і мы вельмі гэтаму радыя», – сказаў Трамп. Трансляцыю ягонага выступу вёў тэлеканал Sky News.

Кіраўнік Белага дому адзначыў, што калі б не ён, то ў свеце акрамя канфлікту Камбоджы і Тайланда ішлі б цяпер яшчэ пяць буйных войнаў паміж краінамі – гандлёвымі партнёрамі ЗША.

«Я сказаў: “Я не буду заключаць ніякіх гандлёвых пагадненняў, пакуль вы не ўрэгулюеце свае рознагалоссі”», – растлумачыў Трамп, як ён прымусіў бакі канфлікту да перамоваў.

Напярэдадні Тайланд і Камбоджа пагадзіліся на часовае спыненне агню пасля перамоваў, праведзеных у Малайзіі.

Пагадненне аб спыненні агню павінна пачаць дзеянне з поўначы 29 ліпеня паводле мясцовага часу (28 ліпеня 19:00 паводле Менска). Потым, як чакаецца, вайскоўцы канфліктных краінаў правядуць «нефармальную сустрэчу».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com