Пуцін пагаварыў з Нетаньяху

Бакі абмеркавалі канфлікт на Блізкім Усходзе і вайну Ізраіля з Іранам.

Кіраўнік Расеі Уладзімір Пуцін пагаварыў з Біньямінам Нетаньяху, паведамілі ў Крамлі.

Яны правялі тэлефонную размову.

Лідары краінаў абмеркавалі абстаноўку на Блізкім Усходзе. Пуцін падчас размовы заявіў пра неабходнасць падтрымкі адзінства, суверэнітэту і тэрытарыяльнай цэласнасці Сірыі. Кіраўнік Расеі ўказаў, што ўмацаванне Сірыі магчымае «праз захаванне законных правоў і інтарэсаў усіх этнаканфесійных групаў насельніцтва», паведамілі ў Крамлі.

Бакі таксама абмеркавалі канфлікт Ірана і Ізраіля. Пуцін нагадаў, што Расея гатовая «ўсяляк спрыяць знаходжанню перамоўных развязак вакол іранскай ядзернай праграмы».

Апошні раз Пуцін размаўляў з Нетаньяху ў чэрвені 2025 года. Адначасова ён пагаварыў з прэзідэнтам Ірана Масудам Пезешкіянам. Размова адбылася адразу пасля абвастрэння канфлікту паміж краінамі, і Пуцін выказаў спачуванні Ірану ў сувязі з ахвярамі праз удары Ізраіля. Тады дыктатар Расеі гаварыў, што Расея асуджае дзеянні Ізраіля, якія парушаюць Статут ААН і міжнароднае права.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com