Трамп: Эканоміка Расеі даволі маленькая

І ў яе цяжкія часы наўпрост цяпер.

Прэзідэнт ЗША Дональд Трамп заявіў, што расейская эканоміка «не такая ўжо і вялікая» і цяпер перажывае цяжкія часы. Пра гэта Трамп паведаміў падчас сустрэчы з брытанскім прэм'ер-міністрам Кірам Стармерам у Шатландыі.

Прэзідэнт ЗША выказаў меркаванне, што, магчыма, яму ўдасца дамовіцца з дыктатарам Уладзімірам Пуціным пра заканчэнне вайны РФ супраць Украіны, але адзначыў, што «гэта ўжо вельмі позна ў гэтым працэсе» – і таму ён расчараваны.

«І, ведаеце, пацешная рэч у тым, што іх эканоміка не такая ўжо і вялікая, і яна перажывае цяжкія часы цяпер. Але гэта даволі невялікая эканоміка. Моцнае войска, але маленькая эканоміка. І [раней] яна была моцнай – цяпер гэта не так. Ён [Пуцін] прайшоў праз многае ў эканамічным плане, гэта нялёгка... Але яна [эканоміка РФ] даволі маленькая, ведаеце, у параўнанні з вялізнымі памерамі гэтай зямлі... Яна мае, здаецца, дзевяць гадзінных паясоў ці нешта такое. Гэта вялізны кавалак зямлі», – расказаў Трамп.

Палітык зазначыў, што Расея магла б быць «такой багатай» і «квітнець, як практычна ні адна іншая краіна [не магла б]», але расейцы стрымліваюць гэта, паколькі Штаты не могуць заключаць дамовы аб гандлі з Масквой.

«Ён [Пуцін] хоча заключаць з намі гандлёвыя дамовы. Ён увесь час пра гэта кажа. І я ўяўляю, што [ў нас магло б быць] шмат гандлю з Расеяй. У іх ёсць шмат каштоўных рэчаў. Калі гаварыць пра рэдказямельныя элементы, яны маюць сур'ёзныя запасы [гэтых рэсурсаў]... У іх ёсць практычна ўсе формы [рэдказямельных элементаў], якія толькі можна знайсці», – адзначыў прэзідэнт ЗША.

Таму, дадаў Трамп, РФ магла б быць вельмі багатай цяпер, але замест гэтага расейцы «марнуюць усе свае грошы на вайну».

«Яны марнуюць усё на вайну і забойствы людзей. І для мяне гэта не мае сэнсу», – падсумаваў Трамп.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com