У Польшчы затрыманыя 32 чалавекі, якія маглі працаваць на расейскую выведку

Сярод іх і беларусы.

Польскія спецслужбы затрымалі 32 чалавекі, якія падазраюцца ў супрацоўніцтве з расейскай выведкай, заявіў прэм'ер-міністр Польшчы Дональд Туск. "Сярод іх ёсць палякі, расейцы, украінцы, беларусы і грамадзянін Калумбіі. На гэтым спіс не заканчваецца", - сказаў Туск, адкрываючы пасяджэнне Кабінета міністраў.

Паводле ягоных слоў, куратары з Масквы даручылі затрыманым здзяйсняць у краіне «або дыверсійныя акты, або збіццё». Адзін з іх ужо асуджаны, а астатнія чакаюць судовага разбору, паведамляе «Польскае радыё».

Польскі прэм'ер адзначыў, што даручыў распачаць «яшчэ больш інтэнсіўныя і энергічныя дзеянні» для прадухілення рызык і злову «ўсіх тых, хто атакуе польскую дзяржаву, выкарыстоўваючы расейскія сродкі». «Кожны, хто дэстабілізуе польскую дзяржаву або спрабуе дэстабілізаваць сітуацыю на межах, з'яўляецца, проста ці ўскосна, памагатым расейскіх службаў. І менавіта таму мы будзем дзейнічаць бязлітасна», - падкрэсліў Туск.

Раней Польшча неаднаразова абвінавачвала Маскву ў дзейнасці расейскай выведкі ўнутры краіны. У Варшаве адзначалі, што яе роля ў пастаўках зброі ва Украіну зрабіла краіну мэтай для шпіёнаў і дыверсантаў з боку Расеі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com