У МНС падвялі вынікі разгулу стыхіі

На некаторых вуліцах Менска ўтварыліся сапраўдныя рэкі.

У Менску 29 ліпеня з 22 да 23 гадзін былі падтопленыя 40 адцінкаў вуліц. Пра гэта паведамляе прэс-служба МНС, падводзячы вынікі магутнай навальніцы, якая абрынулася ўчора на сталіцу і наваколлі.

Як паведамлялася раней, на некаторых вуліцах утварыліся сапраўдныя рэкі. Была затопленая Зыбіцкая, а на Інтэрнацыянальнай усплылі прыпаркаваныя аўтамабілі. Таксама супрацоўнікі МНС адпампоўвалі ваду з падтопленых памяшканняў хола гатэля, прыватнага жылога дома, склепа дома і адбуксавалі адзін аўтамабіль.

Пад Менскам пашкоджаныя дахі 17 жылых дамоў у аграгарадку Калодзішчы. Там жа была пашкоджаная лінія электраперадач, праз гэта без электрычнасці засталіся 600 жылых дамоў.

Было зафіксавана 1 773 выпадкі падзення дрэў. Яны пашкодзілі 10 аўтамабіляў - дзевяць у Калодзішчах і адзін у Вілейцы.

На вуліцы Ліпавая Алея ў Калодзішчах быў пашкоджаны надземны газаправод дыяметрам 57 мм, але не загарэўся. Без газазабеспячэння застаецца адзін прыватны жылы дом.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com