Туск: Вайна ва Украіне можа неўзабаве «прыпыніцца»

Аднак прэм'ер Польшчы заклікае рыхтавацца да абароны ад расейскай агрэсіі.

Прэм'ер-міністр Польшчы Дональд Туск заявіў, што «ёсць шмат прыкмет», якія могуць сведчыць аб магчымым прыпыненні вайны ва Украіне найбліжэйшым часам. Пра гэта ён сказаў падчас выступу ў Тэхналагічным інстытуце паветраных сіл у Варшаве, паведамляе TVP.

Кіраўнік польскага ўрада падкрэсліў, што нават у выпадку спынення баявых дзеянняў пазіцыя Польшчы застанецца нязменнай.

«Ёсць добры шанец, ёсць шмат прыкмет, якія паказваюць на тое, што расейска-ўкраінская вайна можа быць прынамсі прыпыненая ў найбліжэйшай будучыні. Але гэта ніякім чынам не мяняе нашай сітуацыі», — сказаў Туск.

Паводле яго, Польшча «павінна быць гатовая абараняць сябе» незалежна ад развіцьця падзей на расейска-ўкраінскім фронце.

«Мы не можам страчваць ніводнай гадзіны або дня ў гэтай пагоні за сучасным войскам», - сказаў польскі прэм'ер.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com