Украіна і NATO: Умацаванне партнёрства на фоне вайны і ў чаканні ўдзелу

Палітыка еўраатлантычнай інтэграцыі замацаваная ў Канстытуцыі Украіны.

На фоне поўнамаштабнай агрэсіі Расеі Украіна і NATO ўзмацняюць стратэгічнае ўзаемадзеянне. Нягледзячы на тое, што фармальнае сяброўства Украіны ў альянсе застаецца складаным працэсам, абодва бакі знаходзяць шляхі для паглыблення інтэграцыі, піша CEPA (пераклад – сайт Charter97.org).

Палітыка еўраатлантычнай інтэграцыі замацаваная ў Канстытуцыі Украіны як стратэгічная мэта. Кіеў актыўна адаптуе ўзброеныя сілы да стандартаў NATO. У той самы час хаўруснікі пацвярджаюць, што «Украіна ўпэўнена рухаецца да паўнапраўнага ўдзелу», хоць дакладных тэрмінаў уступлення пакуль не пазначана. Адсутнасць яснасці аслабляе як стратэгічнае планаванне, так і стрымліванне спаборніка.

Ва ўмовах нявызначанасці важнае значэнне набывае прамежкавая сістэма бяспекі. Яна ўключае тэрміновыя пастаўкі перадавых сістэмаў СПА, дакладнай артылерыі, а таксама развіццё лагістыкі і сувязі. Акрамя таго, патрабуецца паглыбленне ўзаемадзеяння ўкраінскага войска з NATO праз супольныя вучэнні, планаванне і навучанне. Гэта ўзмацняе аператыўную сумяшчальнасць і палітычную салідарнасць.

Важным крокам стала заснаванне Рады Україна – NATO ў ліпені 2023 года. Яна дае Украіне роўныя правы з чальцамі альянсу ў кансультацыях і пастановах, а таксама дазваляе ўдзельнічаць у каардынацыі адказаў на крызісы ў рэжыме рэальнага часу. Гэты орган замацоўвае статус Украіны як ключавой партнёркі ў сферы еўрапейскай бяспекі.

Дадаткова Кантактная група абароны Украіны, якая ўключае больш за 50 краінаў, каардынуе ваенную дапамогу і стварае спецыялізаваныя кааліцыі – ад СПА да размінавання. Аднак для доўгатэрміновай эфектыўнасці патрабуюцца інстытуцыйныя рэформы і зніжэнне бюракратыі.

Шлях да сяброўства застаецца канчатковай мэтай, але ўжо цяпер неабходна закрыць стратэгічны разрыў паміж чаканнямі і рэальнасцю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com