Чэхія рыхтуе для Украіны новыя пакеты вайсковай дапамогі

З СПА і РЭБамі.

Чэхія рыхтуе для Украіны новыя пакеты вайсковай дапамогі. Размова ідзе пра істотнае ўзмацненне ў сферы супрацьпаветранай абароны, радыёэлектроннай барацьбы і дальнабойных магчымасцяў. Пра гэта паведаміў міністр абароны Украіны Дзяніс Шмыгаль паводле вынікаў сустрэчы з дарадцам прэм'ер-міністра Чэхіі Томашам Поярам.

Паводле словаў Шмыгаля, падчас сустрэчы яны з Поярам засяродзіліся на абмеркаванні найбольш надзённых запатрабаванняў украінскага войска.

«Асаблівы фокус – на пастаўках боепрыпасаў. Чэшская ініцыятыва стала надзвычай важным інструментам пастаўкі снарадаў ключавых калібраў. Падрабязна абмеркавалі будучыя пастаўкі: канкрэтныя графікі і планы, як на гэты год, так і ў 2026 годзе», – расказаў Шмыгаль.

Асобна бакі абмеркавалі супрацоўніцтва ў сферы абароннай прамысловасці. Міністр адзначыў, што супольныя прадпрыемствы запускаюцца, а шэраг праектаў ужо рэалізуецца.

«Сярод іншага ў вытворчасці снарадаў і вінтовак Bren 2 ва Украіне. З чэшскай дэлегацыяй прааналізавалі магчымасці запуску новых праектаў у Чэхіі з удзелам асноўных украінскіх кампаній для падтрымкі Сілаў абароны Украіны», – сказаў ён.

У сваю чаргу чэшскі бок праінфармаваў кіраўніка Мінабароны пра падрыхтоўку новых пакетаў ваеннай дапамогі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com