Навальнічны фронт зносіў дахі і ламаў дрэвы

МНС падвёў вынікі.

У прэс-службе Міністэрства ў надзвычайных сітуацыях падвялі вынікі праходжання навальнічнага фронту па Беларусі. 29 ліпеня ў Менскім раёне было пашкоджана 25 жылых дамоў.

Да ліквідацыі наступстваў непагадзі ў прысталічным раёне прыцягнутая “ўзмоцненая група ратавальнікаў і аварыйных службаў " — 285 чалавек і 43 адзінкі тэхнікі (ад МНС — 160 і 24 адпаведна).

У Гарадзенскай вобласці падраздзяленні МНС тройчы выклікалі на дапамогу для распілоўкі дрэў - у Лідскім, Навагрудскім і Шчучынскім раёнах. На тэрыторыі малочна-таварнай фермы ў Лідскім раёне супрацоўнікі ведамства дапамагалі адпампоўваць ваду, назапашаную з-за ападкаў. Будынкі комплексу не падтопленыя.

У Гомельскай вобласці 30 ліпеня да падраздзяленняў МНС двойчы звярталіся па дапамогу ў распілоўцы і прыборцы дрэў, якія ўпалі на дарогу, — у Лельчыцкім і Калінкавіцкім раёнах.

У той жа дзень у Менскай вобласці праз моцную залеву супрацоўнікаў ведамства сем разоў прасілі адпампаваць ваду - у Лагойскім, Менскім, Маладзечанскім, Пухавіцкім, Смалявіцкім, Старадарожскім раёнах.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com