Дзіця з Гомеля атрымала траўму праз карусель у дзіцячым цэнтры

Маці надумала шукаць справядлівасці - і перамагла.

Маці трохгадовага хлопчыка з Гомеля падала ў суд пасля таго, як ейны сын атрымаў траўму ў адным з дзіцячых забаўляльных цэнтраў восенню 2024 года. Як паказанаў пазове, дзіця пацярпела ад удару каруселі.

Жанчына запатрабавала кампенсаваць 95 рублёў, выдаткаваныя на абследаванне і лячэнне, а таксама 5 000 рублёў у якасці кампенсацыі маральнай шкоды.

Праверка паказала, што ў гульнявой зале эксплуатавалася карусель з пашкоджаным пакрыццём, а ў канструкцыі былі вострыя элементы, якія і нанеслі траўму. Гэта пацвердзілі спецыялісты абласной інспекцыі дзяржаўнага нагляду і стандартызацыі. У выніку цэнтр атрымаў прадпісанне аб забароне выкарыстання небяспечнага абсталявання.

Кіраўніка ўстановы таксама прыцягнулі да адміністрацыйнай адказнасці.

Па выніках судовага разбору ўстанову абавязалі выплаціць сям'і 95 рублёў у якасці кампенсацыі матэрыяльнай шкоды і 1 000 рублёў за маральную шкоду.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com