Пуціну не спадабаўся каментар Лукашэнкі пра РФ у Часівым Яры

Відэафакт.

Аляксандр Лукашэнка мяркуе, што Украіна павінна прасіць у дыктатара Расеі Уладзіміра Пуціна сесці за стол перамоваў. Пра гэта ён заявіў 1 жніўня падчас сустрэчы з Пуціным у Карэліі (РФ), відэа апублікаваў сайт Крамля.

Лукашэнка пракаментаваў падзеі на ўкраінскім фронце, падкрэсліўшы, што ён «цалкам у тэме» датычна іх ходу. Сярод іншага ён заявіў, што яму вядома пра сітуацыю ў Часівым Яры ў Данецкай вобласці, дзе амаль не засталося ацалелых будынкаў і пра нібыта захоп якога раней гаварыў Пуцін (у РНБА аспрэчылі інфармацыю пра кантроль РФ над Часівым Ярам).

«Украіна сёння хутка павінна прасіць яго [Пуціна]: Уладзімір Уладзіміравіч, давайце сядзем за стол перамоваў, давайце дамовімся. Інакш праз некалькі там месяц-паўтара-два – не ведаю, там увогуле нават абаронных збудаванняў не застанецца. Расейцы гэта ўсё паціху адгрызуць, захопяць і пойдуць далей, адваююць», – заявіў ён.

«Вернуць», – выправіў яго Пуцін.

«Ну, вернуць, так», – нервова засмяяўся Лукашэнка ў адказ на «заўвагі» кіраўніка Крамля датычна акупацыі ўкраінскіх тэрыторый.

«Гэта – наша», – дадаў Пуцін.

«Таму трэба дамаўляцца. Калі яны [украінцы] хочуць гэтага, яны будуць да гэтага бегчы», – падсумаваў Лукашэнка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com