У Балгарыі патануў знакаміты расейскі тэатральны рэжысёр Юрый Бутусаў

Яму было 63 гады.

У Балгарыі падчас адпачынку трагічна загінуў вядомы расейскі тэатральны рэжысёр Юрый Бутусаў. Яму было 63 гады.

Бутусаў патануў падчас купання ў моры ў раёне горада Сазопаль, дзе рэжысёр адпачываў разам з сям'ёй. Падрабязнасці трагедыі агучыў тэатральны крытык Раман Далжанскі: «Пайшоў у мора. Хваля збіла і аднесла. Аднесла ад усіх. Ад нас. Ад сям'і. У Сазаполі. Цела ў Бургасе…»

Бутусаў быў адным з самых вядомых рэжысёраў Расеі. Яго творчая кар'ера пачалася ў 1996 годзе са студэнцкай пастаноўкі «В ожидании Годо». У 2000-х гадах ён працаваў у маскоўскім «Сатириконе», дзе стварыў пастаноўкі «Ричард III», «Король Лир», «Чайка».

З 1996 года Бутусаў супрацоўнічаў з тэатрам імя Ленсавета ў Санкт-Пецярбургу, у 2011 годзе стаў ягоным галоўным рэжысёрам.

У 2018 годзе ён пакінуў гэты тэатр і ўзначаліў тэатр імя Вахтангава ў Маскве. Таксама працаваў у МХТ імя Чэхава, Маскоўскім тэатры імя Пушкіна, а таксама ў тэатрах Паўднёвай Карэі і Еўропы.

У лістападзе 2022 года рэжысёр звольніўся з тэатра імя Вахтангава, заявіўшы, што знаходзіцца ў Парыжы і не можа працягваць працу.

Пасля гэтага ён працаваў за мяжой і адкрыта выступаў супраць вайны ва Украіне. У Вільні Бутусаў паставіў спектакль «Розенкранц и Гильденстерн мертвы» паводле п'есы Тома Стопарда, у Рызе — «Гоголь. Портрет».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com