Кошт літыя значна вырас

Пасля закрыцця адной з найбуйнейшых шахт у свеце.

Цана літыя, які выкарыстоўваецца для вытворчасці акумулятараў, значна вырасла ў панядзелак, 11 жніўня. Гэта адбылося на фоне закрыцця адной з найбуйнейшых літыевых шахт у Кітаі, паведамляе Bloomberg.

Кампанія Contemporary Amperex Technology (CATL), найбуйнейшы ў свеце вытворца акумулятараў, пацвердзіла закрыццё сваёй шахты Jianxiawo ў Кітаі пасля заканчэння тэрміну ліцэнзіі.

Паводле звестак Bloomberg, здабыча будзе закрытая мінімум на тры месяцы. На гэтую шахту прыпадае амаль 6% сусветнай здабычы літыя, тады як на іншыя шахты ў рэгіёне прыпадае як мінімум яшчэ 5%.

Такі крок кампаніі-гіганта ускалыхнуў рынак. Цана металу для акумулятараў на ф'ючарснай біржы Гуанчжоў выраслі на дзённы ліміт. Акцыі кітайскай кампаніі Tianqi Lithium выраслі на 19%, а Ganfeng Lithium - на 21%.

Як вядома, цяпер вытворцы літыя змагаюцца з глабальным лішкам прапановы. Ён узмацняецца перашкодамі ў попыце на электрамабілі, праз скасаванне прэзідэнтам ЗША Дональдам Трампам ільгот для гэтай галіны.

Дадамо, што літый - гэта лёгкі метал, які характарызуецца высокай рэакцыйнай здольнасцю і выкарыстоўваецца ў розных галінах, уключаючы медыцыну, электроніку і вытворчасць акумулятараў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com