На канцэрце Макса Каржа варшаўская паліцыя затрымала 109 чалавек

Паліцыянты аштрафавалі 50 чалавек.

Варшаўская паліцыя дала справаздачу аб працы на канцэрце беларускага рэпера Макса Каржа на Нацыянальным стадыёне ў польскай сталіцы. Больш за сотню чалавек былі затрыманыя, многія атрымалі штрафы.

Першыя затрыманні прайшлі яшчэ 8 жніўня, за дзень да канцэрту. Фанаты Каржа зладзілі вечарыку на вуліцы Ардона ў раёне Воля. Мясцовыя жыхары паскардзіліся на шум ноччу і выклікалі паліцыю. У выніку затрымалі 9 чалавек, 25 атрымалі штрафы. Арганізатару тусоўкі могуць выставіць абвінавачванне ў незаконным масавым мерапрыемстве. Паліцыя правярае змест дамовы паміж арганізатарам падзеі і ўладальнікам арандаванага пляцу.

На самім канцэрце Каржа 9 жніўня, які сабраў больш за 60 тысяч гледачоў, сілавікі затрымалі 109 чалавек за шматлікія правапарушэнні і злачынствы. Сярод іх - захоўванне наркотыкаў, напад на супрацоўнікаў аховы, захоўванне і пранос піратэхнікі, а таксама незаконнае пранікненне на тэрыторыю стадыёна.

Паліцыянты аштрафавалі 50 чалавек на агульную суму 11 450 злотых (3135 даляраў), у суд было накіравана 38 заяў аб прыцягненні да адказнасці. Нагадаем, некаторыя фанаты беларускага спевака спрабавалі прарвацца з трыбун на танцпляц, праз што канцэрт ледзь не скасавалі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com