На АЭС у Францыі спынілі чатыры рэактары

Гэта адбылося з-за нашэсця медуз.

Чатыры рэактары на французскай атамнай электрастанцыі Граўлін былі спыненыя ў нядзелю ўвечары праз нашэсце медуз у сістэмах астуджэння, паведамляе агенцтва Reuters.

Са звестак аператара EDF, уся станцыя часова спыніла вытворчасць, паколькі два іншых блока цяпер адключаныя для планавага тэхнічнага абслугоўвання.

На пляжах вакол Граўліна, паміж буйнымі гарадамі Дзюнкерк і Кале, у апошнія гады назіраецца павелічэнне колькасці медуз праз пацяпленне вады.

Рэактары 2, 3 і 4 ў Граўліне аўтаматычна спыніліся незадоўга да паўночы, калі фільтрацыйныя барабаны помпавых станцый запоўніліся “масіўнай і непрадказальным" масай медуз, а рэактар 6 адключыўся праз некалькі гадзін, гаворыцца ў паведамленні EDF.

Гэта падзея не паўплывала на бяспеку аб'ектаў, персаналу або навакольнага асяроддзя, гаворыцца ў паведамленні.

Электрастанцыя на поўначы Францыі з'яўляецца адной з найбуйнейшых у краіне і астуджваецца вадой з канала, злучанага з Паўночным морам. Яе шэсць блокаў вырабляюць па 900 мегават электраэнэргіі кожны, або 5,4 гігаваты агула.

"Медузы размнажаюцца хутчэй, калі вада цяплее, і паколькі такія раёны, як Паўночнае мора, становяцца цяплейшымі, перыяд размнажэння становіцца ўсё даўжэйшы”, – сказаў Дэрэк Райт, кансультант у марской біялогіі Нацыянальнай управы акіянічных і атмасферных даследаванняў ЗША.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com