Камбоджа вылучыла Трампа на Нобэлеўскую прэмію міру

За ягоную ролю ва ўрэгуляванні памежнага канфлікту з Тайландам.

Камбоджа намінавала прэзідэнта ЗША Дональда Трампа на Нобэлеўскую прэмію міру за ягоную ролю ва ўрэгуляванні памежнага канфлікту з Тайландам. Прэм'ер-міністр Хун Манэт у лісце Нобэлеўскаму камітэту падзякаваў Трампу за "аднаўленне міру і стабільнасці" і адзначыў ягоны ўклад у зніжэнне напружанасці ў "адных з самых нестабільных рэгіёнаў свету", піша часопіс TIME (пераклад — сайт Charter97.org).

Гэты крок стаў нечаканым на фоне даўняй дружбы Камбоджы з Кітаем. На думку экспэртаў - гэта імкненне палепшыць стасункі з Вашынгтонам можа азначаць значны паварот у замежнай палітыцы краіны.

Стасункі ЗША і Камбоджы пагоршыліся ў 2017 годзе, калі незадоўга да інаўгурацыі Трампа былі скасаваныя супольныя вайсковыя вучэнні «Ангкор Сентынел». Пазней ЗША ўвялі санкцыі за парушэнні правоў чалавека і карупцыю, а Камбоджа ўмацоўвала сувязі з Кітаем — сваім галоўным гандлёвым і вайсковым партнёрам.

З прыходам да ўлады ў 2023 годзе Хун Манэта, выпускніка Ваеннай акадэміі ЗША ў Вест-Пойнце, краіна пачала «перекаліброўку» замежнай палітыкі. У лютым Пнампень прапанаваў аднавіць супольныя вучэнні з ЗША, а сёлета чакаецца візіт амерыканскага міністра абароны на ваенна-марскую базу Рым.

Экспэрты называюць гэты крок «танным, але эфектным жэстам» для ўмацавання сувязяў з Вашынгтонам і магчымага атрымання гандлёвых ільгот, інвестыцый і вайсковага супрацоўніцтва. Палітыка Пнампені апісваецца як «стратэгічная гнуткасць» для зніжэння залежнасці ад Кітая.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com