Навукоўцы заявілі, што вывелі першы беларускі гатунак вінаграду для сухога віна

У НАН абяцаюць зрабіць Берасцейскую і Гомельскую вобласці «віннымі рэгіёнамі».

Беларускія навукоўцы вывелі ўласны гатунак вінаграду, прыдатнага для вытворчасці сухога віна. Падрабязнасці праекта раскрыў дырэктар Інстытута пладаводства НАН Беларусі Аляксандр Таранаў, піша Telegraf.news.

У рэпартажы дзяржтэлеканала "Першы інфармацыйны" Таранаў паказаў доследныя ўзоры вінаграду для тэхнічнай перапрацоўкі. Першы гатунак пад працоўнай назвай «Ларэц», з якога ў перспектыве могуць пачаць рабіць беларускае сухое віно, ужо перадалі на дзяржаўнае сортавыпрабаванне.

Паводле слоў Таранава, новы гатунак ужо добра зарэкамендаваў сябе - выдатна перажыў няпростыя варункі надвор'я вясны 2025 года з травеньскімі замаразкамі, прадэманстраваў устойлівасць да хвароб, а ўраджайнасць гатунку ва ўмовах беларускага клімату склала блізу 2-3 кг з куста.

Пры гэтым спецыяліст падкрэсліў, што беларускі вінаград, вырашчаны далёка не ў кожным рэгіёне краіны зможа дэманстраваць досыць высокую ўраджайнасць і «прадуктыўны патэнцыял», прыдатны для прамысловай вытворчасці. Найбольш перспектыўнымі «віннымі» рэгіёнамі Таранаў назваў Берасцейскую і Гомельскую вобласці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com