Samsung інвестуе мільярды даляраў у вытворчасць чыпаў у ЗША

Інвестыцыі дапамогуць пазбегнуць дадатковых падаткаў.

Кампанія Samsung разглядае магчымасць значнага павелічэння сваіх інвестыцый у вытворчасць і пакаванне паўправадніковых чыпаў у Злучаных Штатах Амерыкі. Пра гэта паведамляе карэйскае выданне SEDaily.

Samsung плануе дадаткова інвеставаць амаль 10 трлн карэйскіх вон (прыкладна $7,2 млрд) у развіццё сваіх вытворчых магутнасцяў у ЗША, напрыклад, у перадавыя тэхналогіі пакавання і вытворчасці мікрачыпаў.

Агульная сума інвестыцый кампаніі ў ЗША ў гэтым кірунку першапачаткова планавалася на ўзроўні $44 млрд, аднак праз недахоп кліентаў у папярэдні перыяд была скарочаная да $37 млрд, а частка праектаў, напрыклад, па пакаванні чыпаў, была адкладзеная.

Як адзначае выданне SamMobile, кампанія плануе вырабляць 2-нанаметровыя і 4-нанаметровыя чыпы непасрэдна ў Злучаных Штатах Амерыкі, каб пазбегнуць дадатковых падаткаў і тарыфаў.

Будаўніцтва завода Taylor Fab 1 у горадзе Тэйлары, штат Тэхас, ужо выкананае на 91,8%. Кампанія плануе скончыць стварэнне чыстага пакоя, ключавога элемента вытворчага працэсу, да канца 2025 года. Устаноўка, абсталявання для вытворчасці мікрачыпаў, запланаваная на 2026 год.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com